En la monato di aprilo, dum la yarala primaverala sesioni dil Grupo dil Mondala Banko e dil Internaciona Monetala Fonduro, quin eventis en Washington DC, developesis serio di temi inter qui traktesis la klimato-chanjo. Ibde, la Generala Sekretario dil UN, Ban Ki-Moon, partoprenis en multa eventi, kune kun la Prezidanto dil Mondala Banko, Jim Yong King, e la Direktoro Generala dil FMI, Christine Lagarde.
En tala kunteksto, Ban Ki-Moon emfazis ke la financizado esos klavala por la kreado e lanso di developo-agendo pos-2015 relatanta a la klimato-chanjo, notante ke tam la publika sektoro kam la privata sektoro devos kooperar por krear incentiv-i e normativa kadri; por favorar e promocar la longadura susteninda developo.
Aparte, en la sesioni tote relacionita al klimato, on traktis quale mobilizar la bilioni di dolari qui esos bezonata mondovaste por afrontar ca defio dil klimato-chanjo, inkluzanta fixigar preco a la karbono e promocar la gradala elimino di subsidii a la fosila brulaji por liberigar e augmentar la publika fondi. On traktis anke strategii pri quale la investo-banki e la centrala banki povus promocar plu granda investo en la basa-karbono developo.
Dum altra sesiono, la Ministro pri Financo di Suedia, Magdalena Andersson, deskriptis quale elua lando implementabis imposto a la alta karbono-emiso e quale, tra la tempo, on aprecis la ekonomiala kresko.
Same kam la reprezentanto di Suedia, diversa partoprenanti de diferanta paneli konvergis a la sama direciono, to esas, li expresis la preocupeso ke esas tre ambicioza plano ke 169 landi plenigis la 17 Sustinenda Developo-Celi dil UN. Pluse, ke on bezonos enorma fonti di financizado por implementar la plano e ke la privata sektoro devos ludar rolo plu kam klavala relate a ta financizado. Ante to, kelka partoprenanti expresis ke esus preferinda ke unesme on startez kun reduktita quanto di landi e reduktita quanto di celi da plenigar.
Ni esas ye kin monati ante la signato dil pakto pri klimato-chanjo, tamen en la maxim alta forum-i, institucala, ekonomiala e financala, on duras debatar qua esas la maxim konvenanta plano por implementar la redukto en l’emiso di la gasi qui efektigas la forceyo-efekto e diminutar la globala temperaturo a du gradi Celsius relate a la pre-industria epoko.
Esas preocupanta ke ti qui apartenas a ca agendo kom sua omnadia laboro, ankore ne havas klara quale ol realigesos, lasante a la despoziciono di singla Guverno l’implementado dil sistemo quo esez por sorgar la medio ambiente e favorar la signato di tala pakto.
Dume ni sequas proxime quale la temo developesas, promocante la konciigo pri ca fenomeno e la promoco pri l’inkluzo di la normi pri sustenebleso e medio ambiente en la developo di omna projeto qua efikes sur la naturala habitati di lando.
