Kresko di la dominikana habitantaro e di la ekonomial aktivesi dum la lasta yardeki eventis en kadro di totala absenteso di planigo, organizado ed apta uzado dil teritorio. Konseque, l’uzo dil teritorio realigesis sen observo di la morfologiala kondicioni, l’urbala kresko e sen egardar la vundebleci dil klimatala e ambientala sistemo.
La kreado di ca kadro esis ja tasko pendanta asignita dal Generala Lego pri Medio Ambiente e Recursi Naturali en la yaro 2000. Fine la pasinta 30 di junio 2015, la Chambro di Deputati di Dominikana Republiko aprobis la nomizita Organika Lego pri Teritorial Aranjo e Uzo di Sulo, qua konstituas un ek la unesma pazi e atingas avancar en la plenigo dil skopi di la naciono. La fundamentala skopo di ca legifado, di qua la transversala axo esas la Nacionala Developo-Strategio (END) 2030, konsistas en planigar la dominikana teritorio kun la skopo favorar l’integrala e equilibrita developo di lua habitanti e tale povar plubonigar lia vivo-qualito, e qua expektas guvernar por tota la nacionala teritorio di Dominikana Republiko e lua marala spaco.
Ol ipsa obligas la kreado dil Nacionala Plano pri Teritorial Aranjo (PNOT) sub la responso di la Generala Direciono pri Teritorial Aranjo e Developo, dependanta di la Ministerio pri Ekonomio, Planigo e Developo, qua konstituos su kom l’instrumento responsiva pri regular l’uzo dil sulo e la teritoriala okupado en Dominikana Republiko, permizos jerar e faciligar l’integrala jerado di la publika politiki en la teritorio e definar la generala linei di organizado dil teritorio ye nacionala nivelo.
Konseque ol ordonas la kreado dil Regionala Plano pri Teritorial Aranjo (PROT), e la realigo, anke, dil Municipala Plano pri Teritorial Aranjo (PMOT) por la teritoriala planigo ye regionala e municipala niveli, realigita anke dal Ministerio pri Ekonomio, Planigo e Developo e esanta sub la responso di la Urbala Planigo-oficii en koordinado kun la sektoriala enti di la koncerna municipi.
Altraflanke, on postulas la kreado dil Nacionala Sistemo pri Teritorial Aranjo (SNOT), por la defino di politiki, skopi, meti e prioraji dil uzo ed okupado dil teritorio en la diversa municipi, e la Nacionala Informo-Sistemo, por la registro e integra procesado di datumi, faciligar la formulado di politiki, plani, programi e projektaji e l’acesso ed uzo dil geografiala informo dil teritorio, amba sistemi sub la direciono dil Ministerio pri Ekonomio, Planigo e Developo.
La instrumenti antee mencionita funcionos e traceos la diversa politiki e skopi prenante kom refero la kategorigo di sulo-uzo kreita dal referala legala kadro, ube determinas la diferanta aktivesi qui destinesas a parto di tereno, klasifikata tale:
a) Urbanizita: por rezidala, komercala, institucala, turismala, rekreativa, industriala uzo;
b) Industriala: dividita en Klaso A: Danjeroza e nociva, Klaso B: Iritebla, Klaso C: Innocua;
c) Agropastorala: por perpetua kultivi, yarala di un rekolto, yarala di plura rekolti, tradicionala, pastaji e furaji, en protektita ambienti, forestala;
d) Forestala: protektala boski, konservala boski e sustenebla manajo, produktado;
e) Miniera: metala, nemetala;
f) Litorala-marina: urbanizita, turismala, konektiveso-servici, industriala o energetikala produktado-servici, marala subsula minierio, peskala e agrikultala produktado, protekto e konservo di frajila ekosistemi;
g) Specala servici: konektiveso-servici, energetikala produktado-servici, komercaligo di produkturi, aquo-stokado e rezidui-manajo, nacionala sekureso; e
h) Protektita arei.
Ye la momento di planigo e konfirmo dil kategorio e/o teritoriala klasifikuro, omna fizika, morala e/o yuridika persono interesita en la teritoriala developo mustos obtenar la ‘Ne-objeto pri Sulo-Uzo dal Municipala Konsilierii’, egardante la potencalesi e limiti quin prezentas la teritorio koncernata.
Fine, ni konkluzas ke la projekto di lego nuntempe trovez en la manui dil Senato di Dominikana Republiko, esanta studiata da specala Komisitaro kreita specife por ta skopi, por pose esar prezentata al Exekutiva Povo.
Kaze la projekto esar aprobita e proklamita, ol ipsa konstituos la Generala Kadro por l’implementado e kreado di lua Apliko-Reglamento, ube konfirmesas la responso di la Centrala Guverno di Dominikana Republiko administrar e organizar la teritorii desde la primara niveli di guvernado, qua korespondas a la municipi e konsilierii, til la nacionala nivelo; divenante punto di refero en la developo di la planigo di ekonomial aktivesi en la lando.
FE DE ERRATAS
La prezenta artiklo substitucas formale la artiklo: «Aprobación de la Ley Orgánica de Ordenamiento Territorial y Uso de Suelo», publikigita en la Legal Focus – Monatala Bulteno, sendita ye la 4 di agosto 2015.
