Normo por la kontrolo di polutanta emisi de fixa e movebla fonti
En dii pasinta realigesis la vista publika pri l’ambientala normi pri aero-qualito, sesiono ube la intervenanta aktori esis la Ministerio pri Energio e Mini, Ministerio pri Publika Verki e Komunikuri, la Dominikana Instituto pri Qualito –INDOCAL–, la Dominikana Petrolo-Refinerio, Barrick Gold Dominicana e kompanii monitoranta pri ambientala qualito.
Ica propozita normo substitucus –kaze ol aprobesos– la normo NA-AI-001-03. Olua skopo esas establisar la maxima permisita valori di koncentro di aero-polutanti kun la proposto garantiar la homala sano e la medio ambiente. Samtempe, ol adportas kom novajo l’introdukto dil artikli 4, 5, 5.1, 5.2, 6, e 6.1, qui infre emfazesas.
L’artiklo 4 referas a la nekonvencionala polutanti e substanci qui produktas ofensiva odori. Dum ke l’artiklo 5 bazesas sur la netradicionala polutanti, en qua prezentesas nova klasifikuro, diferenciganta la netradicionala polutanti de la aero-polutanti, qui sua vicope klasifikesas en nekanceriganta polutanti, qui prezentas tabelo qua establisas qui esas la limiti di koncentro e la mezvalora tempo di la nekanceriganta aero-polutanti. Dum ke en la kanceriganta polutanti kontemplesas du tipi di evaluadi: la qualitativa e la quantitativa, akompanata di tabelo kun la risko-indikatori por kanceriganta polutanti.
L’artiklo 6 expozas la kriterii por identifikar la problemi di aero-poluto, donante a la kompetenta autoritatozi la povo a la ambientala autoritatozi establisar la programi di agadi qui regulos la tipi di alarmo-niveli pro aero-poluto, same kam on zonigos la nacionala teritorio por singla de la alarmo-niveli. Ti niveli esas: nivelo di prevenco, di altero e di urjenco.
En tala artiklo, en la punto 1, on propozas, per tabelo, la koncentro e la tempo di expozo di polutanti por la niveli di prevenco, averto e urjenco.
En la vista publika, kom esas praktikala kutimo, realigesis la observi e rekomendi di rito, di qui la maxim emfazata esis relate a la parametri impostita da la normo, nam on alegis ke ti parametri esas excesive basa e, konseque, neposibla por plenigar. Altra observi realigita esis cirkum:
-
La normo prezentas redakt-erori.
-
On mustas establisar la metodologio uzenda por la mezurado di la parametri.
-
On mustas furnisar permisili di cirkulado, por povar autorizar la transito o operaco di certa produktori di polutanti, e ke tala permiso grantesez da entraprezi internacione akreditita por ta skopi.
-
En la normo ne establsas la termino di adaptado por adherar a ca normo.
-
On mencionis anke ke la tabeli produktas konfuzo, nam la valori expresata ne korespondas kun la fonti provizita.
La interestati pri facar observi formale povas facar to per letro adresita a la Ministerio pri Medio Ambiente e Recursi Naturali dum la sequanta triadek dii.
